仁濟醫院羅陳楚思小學「舒心漂漆扇」家長工作坊

🎨【非遺傳承・家校共築】
早前有機會到仁濟醫院羅陳楚思小學，開展「舒心漂漆扇」家長工作坊，呢個活動真係特別有意義啊！💖
工作坊首先帶領家長們認識中國非物質文化遺產「大漆」嘅歷史同工藝特色，再教授漂漆扇嘅製作技巧。睇到一班家長聽得咁專注，個個都蠢蠢欲動想親自動手試下！👩‍👧‍👦
最特別嘅係，參與嘅家長學完之後唔係得個「學」字，而係會喺學校嘅家長日擔任親子工作坊導師，將知識傳授俾自己嘅子女同其他家庭，真正做到「學以致用」，絕對係知識嘅最佳循環！👏🏻
講到漂漆扇嘅獨特性，每件作品都係獨一無二㗎！因為漂漆工藝講求漆水喺水面上嘅自然流動，形成嘅紋理係無法複製嘅，再加上每位製作者嘅唔同色彩配搭同創意，令每把扇都成為獨特嘅藝術品，充滿製作者嘅情感同故事！✨
期待家長們喺家長日發揮所長，同仔女一齊體驗中華文化嘅魅力！🙌🏻
最後感謝仁濟醫院羅陳蔡思小學嘅邀請我哋協助呢個咁有意義嘅活動🙏🏻並且很高興認識一班咁有愛嘅家長教師會🫶🏻
#中國非遺 #漂漆藝術 #家長教師 #傳統文化 #親子共學 #家校合作 #手作工藝 #小學活動 #文化傳承 #香港教育